മുങ്ങിച്ചാകാന്
തുടങ്ങുമ്പോള്
കയ്യില് തടഞ്ഞതാണ്
നിന്റെ പ്രണയം
കൂടുതല് ആഴങ്ങളിലേക്ക്
എത്ര വേഗത്തിലാണ്
അതെന്നെ
കൊണ്ടുപോയത്.
ഒരൊറ്റ വാക്കിനാല് പൊടുന്നനെ ഉണക്കാന് കഴിയുന്ന മുറിവുകളെപ്പോലും മൗനം വ്രണമായി വളര്ത്തുകയാണ്..
Tuesday, December 21, 2010
Thursday, December 16, 2010
വരം
പഞ്ചേന്ദ്രിയങ്ങളും
തിരിച്ചെടുത്ത ദൈവം
ഒരുനാള് മനസ്സലിഞ്ഞ്
ഏതെങ്കിലും
ഒരിന്ദ്രിയം
വെച്ച്തരാമെന്ന് പറഞ്ഞു
നാട്ടുകവലയില്വെച്ച്
ആളുകള് മുഴുവന്
നോക്കിനില്ക്കെ,
കൊള്ളപ്പലിശക്കാരന്
രാവുണ്ണിയേട്ടന്
ഉരിച്ചുകളഞ്ഞ
പുറംതൊലിതന്നെ
ചോദിച്ചു അയാള് .
തിരിച്ചെടുത്ത ദൈവം
ഒരുനാള് മനസ്സലിഞ്ഞ്
ഏതെങ്കിലും
ഒരിന്ദ്രിയം
വെച്ച്തരാമെന്ന് പറഞ്ഞു
നാട്ടുകവലയില്വെച്ച്
ആളുകള് മുഴുവന്
നോക്കിനില്ക്കെ,
കൊള്ളപ്പലിശക്കാരന്
രാവുണ്ണിയേട്ടന്
ഉരിച്ചുകളഞ്ഞ
പുറംതൊലിതന്നെ
ചോദിച്ചു അയാള് .
Sunday, December 12, 2010
ചതി
ഒഴുക്ക് നിലച്ച്
മരിക്കുന്നതിന്
തൊട്ടുമുമ്പ്
പുഴ
വഴികളോട് മന്ത്രിച്ചു.
'സമുദ്രത്തെ കാണുകയാണെങ്കില്
ഞാന് ശ്രമിച്ചിരുന്നു എന്ന്
അറിയിക്കണം'
അപ്പോഴേക്കും
മണല്തരികള്
മരുഭൂമികളുമായി
രഹസ്യസംഭാഷണം
ആരംഭിച്ചിരുന്നു.
Saturday, December 11, 2010
ഭയഭക്തി
അമ്പലത്തിലേക്കുള്ള
നടപ്പാതയില്
ഒറ്റക്കാലന് യാചകനും
തടിച്ച ഉടലുള്ള ഭണ്ഡാരപ്പെട്ടിയും
കയ്യില് ആകെയുള്ളത്
ഒരു ഒറ്റരൂപാനാണയം.
ദൈവത്തിന് നെയ്യായ്
കത്തുന്ന പന്തത്തിന് ചൂടേറ്റി
ഭിക്ഷുവിന് അന്നമായ്
എരിയുന്ന വയറിന് വിശപ്പാറ്റി
ആര്ക്ക് നല്കണം?
ആയിരം കൈകള്
ചോരക്കൊതിയടങ്ങാത്ത നാവ്
തീക്കണ്ണുകള് ദുര്മന്ത്രങ്ങള്
ആയുധപ്പുര പടയാളികള്
ഹൊ ഭയങ്കരം!
ഒറ്റക്കാല് കൊണ്ട്
ഇവനെന്നെ
എന്ത് ചെയ്യാനാ
ഒരു രൂപ
ഈശ്വരന്.
നടപ്പാതയില്
ഒറ്റക്കാലന് യാചകനും
തടിച്ച ഉടലുള്ള ഭണ്ഡാരപ്പെട്ടിയും
കയ്യില് ആകെയുള്ളത്
ഒരു ഒറ്റരൂപാനാണയം.
ദൈവത്തിന് നെയ്യായ്
കത്തുന്ന പന്തത്തിന് ചൂടേറ്റി
ഭിക്ഷുവിന് അന്നമായ്
എരിയുന്ന വയറിന് വിശപ്പാറ്റി
ആര്ക്ക് നല്കണം?
ആയിരം കൈകള്
ചോരക്കൊതിയടങ്ങാത്ത നാവ്
തീക്കണ്ണുകള് ദുര്മന്ത്രങ്ങള്
ആയുധപ്പുര പടയാളികള്
ഹൊ ഭയങ്കരം!
ഒറ്റക്കാല് കൊണ്ട്
ഇവനെന്നെ
എന്ത് ചെയ്യാനാ
ഒരു രൂപ
ഈശ്വരന്.
Subscribe to:
Posts (Atom)